WWW.NEW.PDFM.RU
БЕСПЛАТНАЯ  ИНТЕРНЕТ  БИБЛИОТЕКА - Собрание документов
 


«ЦЕРКВЕ ИЛИ ИКОНОСТАСА, сие есть особыя некия молитвословия, чрез иерея от Епископа на сие благословение и власть данную имущаго, в ей же прежде совершеннаго освящения Божественную ...»

ЧИН БЛАГОСЛОВЕНИЯ НОВЫЯ

ЦЕРКВЕ

ИЛИ ИКОНОСТАСА,

сие есть особыя некия молитвословия, чрез

иерея от Епископа на сие благословение и власть

данную имущаго, в ей же прежде совершеннаго

освящения Божественную совершати Литургию .

(по требнику Петра Могилы)

______________

Имый убо от Епископа сицевую власть, Протопоп (или ин кто от

Иреи) собрав священник поближних, елико их бытии может, с вечера

совершает в Новой Церкви малую Вечерню, потом же обычное Всенощное Бдение храму. По утри же прежде времене служения приходит к Церкви, и одеявся с иными священники в Епитрахиль и Фелонь, пред Церковью, или в претворе Церковном, поставлену сущу столцу честно покровенну, и на нем Антиминсу, Евангелию и Кресту, и Воде в сосуде предуготовленной, в Церкве никомуже сущь, Престол и Жертвенник да будет обнажен. Совершает абие малое освящение воды Августово, по совершении же освящения творят Литию окрест Церкве ничтоже носящее точию Кресты, поют же Литийныя стихиры, или Ирмосы

Храму, Начальник же кропи вся стены Церковныя, глаголя:

Окропиши мя иссопом и очищуся, омыеши мя и паче снега убелюся, во Имя Отца, и Сына, и Святаго Духа, Аминь .

Обшедше же единощи, станут пред Церковными дверьми .

Диакон: Господу помолимся .

Клир: Господи помилуй .

Начальник чтет молитву сию: Господи Боже наш, молитвами Пречистыя Владычицы нашея Богородицы и Приснодевы Марии, и святаго (имярек, егоже есть храм), и всех святых Твоих, дела рук нас недостойных рабов Твоих исправи, и всем нам благоугождати Твоей благости сподоби. Ты бо иереом Твоим сицевую благодать над инеми даровал еси, яко да все еже во имя Твое достойно и совершенно воспросят, приимут, и еже сотворят, от Тебе сие быти сотворено веруется!

Прилежно убо и смиренно молимся, и Твоему благоутробию милися деем, яко да все ныне нами посещаемое посетиши, и благословляемое благословиши, и со входом нашим входу святых Ангел сотвориши быти, сослужащих нам и сопрославляющих Твою благость, в бегство же претворяющих все диавольское ополчение, и исправляющих входы и исходы наша к деланию заповедей Твоих! Ты бо еси вся ко спасению душ наших действуяй, и Тебе славу возсылаем, со Единородным Твоим Сыном, и с Пресвятым и Благим и Животворящим Твоим Духом, ныне и присно, и во веки веков .

Клир: Аминь .

Абие посеем знаменает дверь десницею крестообразно глаголя:

Во имя Отца, и Сына, и Святаго Духа. С миром внидем .

И отверз двере, входит в Церковь. Клир: О имени Господни .

Абие поют стихиру сию, глас 8: Якоже Закхеову дому Твоим Христе входом спасение бысть, сице и ныне входом священных служителей Твоих, и с ними святых Твоих Ангел, мир Твой подаждь храму сему, и милостивно благослови его, спасая и просвящая души наша .

Начальник же окропи всю Церковь и весь олтарь, глаголя:

Окропиши мя иссопом и очищуся: (и прочее).

Скончавшу же ему кропление, и Клиру пение, став пред Царскими Враты начинает обычно:

Благословен Бог наш:

Клир: Царю Небесный: Трисвятое: Отче наш:

Придите поклонимся: и абие псалом 121: Возвеселихся о рекших мне в дом Господень внидем:

до конца. Слава, и Ныне. Аллилуия (трижды) .

Диакон: Миром Господу помолимся .

О свышнем мире и спасении душ наших, Господу помолимся .





О мире всего мира, благостоянии святых Божиих церквей и соединении всех, Господу помолимся .

О православном епископстве Церкве Российския, о господине нашем Высокопреосвященнейшем митрополите Агафангеле, Первоиерарсе Русския Зарубежныя Церкве, о господине нашем Преосвященнейшем епископе (имярек), честнем пресвитерстве и еже о Христе диаконстве, и всем притче и людех, Господу помолимся .

О еже благословитися храму сему, и сущей в нем Трапезе небесным благословением, Господу помолимся. (Начальник же десницею поднес ю горе к Востоку, благословляет, крестовидно знаменая) .

О страждущей стране нашей и православных людях ея, во отечестве и рассеянии сущих, Господу помолимся .

О благочестивых и христолюбивых блаженных ктиторов честнаго храма сего, и о всех верою, благоговением и страхом Божиим входящих в онь, Господу помолимся .

О благорастворении воздухов, умножении плодов земных и временех мирных, Господу помолимся .

О плавающих, путьшествующих, недугующих, страждущих, плененных и о спасении их, Господу помолимся .

О еже услышать мольбы всех верно в храме сем молящихся, и милостивно исполнити прошения их, Господу помолимся .

О еже избавитися нам от всякия скорби, гнва и нужды, Господу помолимся .

Заступи, спаси, помилуй и сохрани их Боже Твоею благодатию, Господу помолимся .

Пресвятую, Пречистую, Преблагословенную, славную Владычицу нашу Богородицу и Приснодеву Марию, со всеми святыми помянувши, сами себе и друг друга и весь живот наш, Христу Богу предадим .

Возглас: Яко подобает Тебе всякая слава, честь и поклонение, всегда, ныне и присно, и во веки веков .

Абие чтут псалом 120: Возведох очи мои в горы: весь до конца. По окончании сего, поют стихиру, глас 6: Благослови Господи храм сей имени Твоему созданный, и услыши в нем сотвори молитвы наша, жертвы же и приношения прими, и грехи людий Твоих вся очисти, и благодать у Тебе получити сотвори, и всех нас помилуй по велицей Твоей милости .

Скончавшу же пению, Начальник сходит в олтарь, глаголя:

С миром внидем .

Клир: О имени Господни .

ОкроНачальник же кропит Трапезу и Жертвенник, глаголя:

пиши мя иссопом и очищуся: (и прочее). Посем абие благословляет Индития Престольная и Жертовничная, рекшу диакону:

Господу помолимся. Клир: Господи, помилуй (зри чин благословения Индитий и Саванов). По совершении же сих одевает Престол и Жертвенник ничтоже глаголя. Став же пред Престолом, Господу помолимся.

Господи, рекшу диакону: Клир:

помилуй .

Чтет молитву сию:

Господи Боже наш Царю веков и творче всех, везде на всяком месте Владычествия Твоего сый, вся исполняй, и вся действуяй, места к славословию Своему избираяй, и сия благословляй! Призри ныне на молитву нас, смиренных и недостойных рабов Твоих, и храму сему егоже в славу Свою избрал и основал еси, буди покровитель и защитник, яко да ни едина злоба противных сил зде пребывати возможет, но вся всегда силою Твоею прогонима будет .

Ей Господи Боже Спасителю наш, излей Небесное Твое благословение на храм сей молитвенный, яко да вся в нем призывающие Тя помощь милосердия Твоего ощутят! И не отъемлемо и ненасильствованно благословение места сего Твоею благодатию, от всех сопротивных обстояний в веки сохрани, яко да в нем Тебе от нас всегда чистое служение наше приносимое, и молитвы, жертвы же и благодарения, с славословием благоприятны будут! Ты бо еси Бог милостий и щедрот и человеколюбия, и Тебе славу возсылаем, Отцу, и Сыну, и Святому Духу, ныне и присно, и во веки веков!

Клир: Аминь .

Абие же вземле Антиминс, и полагает его на Престоле, глаголя велегласно: Во имя Отца, и Сына, и Святаго Духа, благословением и изволением Высокопреосвященнейшаго Агафангела, митрополита Нью-Йоркскаго и Восточно-Американскаго (или правящего архиерея), полагаю на сей благословенной Трапезе в храме сем Божественный сей благодатию Пресвятаго Духа, рукою же его святительскою свершено освященный Антиминс, в еже донелиже свершено Архиерейскою рукою освятися Церковь и Трапеза сия, свершатися на нем Божественная безкровная Жертва, в славу Бога единаго в Троице Святой славимаго, в спасение же всех православных людий .

Абие же посеем Клир поет вышеписаную стихиру, глас 6: Благослови Господи храм сей:

Диакон: Помилуй нас Боже по велицей милости Твоей, молим Ти ся услыши и помилуй .

Клир: Господи, помилуй (трижды) .

Еще молимся о православном епископстве Церкве Российския, о господине нашем Высокопреосвященнейшем митрополите Агафангеле, Первоиерарсе Русския Зарубежныя Церкве, о господине нашем Преосвященнейшем епископе (имярек) и всей во Христе братии нашей .

Еще молимся о блаженных и приснопамятных Ктиторех благословеннаго Храма сего, и о еже Господу Богу нашему благословити их, здравием же и долгоденствием, и всяким благополучением угобзити, и благодетельствовати их .

Еще молимся, о еже услышанным бытии молитвам всем прибегающим в Храм сей, и вся яже ко спасению прошения их исполнити .

Еще молимся за вся братия наша, и за вся Православныя Христианы .

Возглас: Услыши ны боже Спасителю наш:

Дьякон: Премудрость .

Лик: Честнейшую Херувим: Слава и Ныне, Господи помилуй (трижды), Благослови .

Начальствуяй же творит отпуст обычный Храму .

Абие же аще сосуды и одежды Церковныя суть не освящены, по чину Благословения и освящения новых сосудов служебных, благословляет я. Сим же благословенным сущим, хотяй литургисати священник, Прооскомидию начинает. Начальствуяй же, аща Деисус, сие есть, образы суть не благословенны, благословляет я по чину. Аще же уже благословенны суть, второе не благословляет я, но абие Часы чтутся. По Часех же Божественная Литургия наченшися совершается по чину своему обычно.



Похожие работы:

«ВВЕДЕНИЕ В МОРФОЛОГИЮ Морфология – один из разделов грамматики, в котором изучается устройство, изменение и сочетание слов. Второй раздел грамматики – синтаксис. Морфология (от греч. morph – форма и lgos – слово, учение) – это, как уже отмечалось, раздел грамматики,...»

«УДК 551.573 (470.325) ПРИРОДНЫЕ И АНТРОПОГЕННЫЕ ФАКТОРЫ, ОПРЕДЕЛЯЮЩИЕ ЭЛЕМЕНТЫ ВОДНОГО БАЛАНСА НА ТЕРРИТОРИИ БЕЛГОРОДСКОЙ ОБЛАСТИ М.Г. Лебедева, Е.А. Дроздова, А.Г. Корнилов Белгородский государственный национальный исследовательский университет, Россия Анализ принципов, управляющих процессами водообм...»

«Изучение неоднородностей деятельного слоя криолитозоны с использованием данных теплового дистанционного зондирования (ТДЗ) С.Г . Корниенко Институт проблем нефти и газа РАН 119333, Москва, ул. Губкина, 3 E-mail: spaceakm2@ogri.ru Рассматривают...»

«УДК 553.31:551.72:550.882.7(470.325) ГЕОЛОГО-ТЕХНОЛОГИЧЕСКОЕ КАРТИРОВАНИЕ МАГНЕТИТОВЫХ ЖЕЛЕЗИСТЫХ КВАРЦИТОВ ЭКСПЛУАТИРУЕМЫХ МЕСТОРОЖДЕНИЙ СТАРООСКОЛЬСКОГО РУДНОГО УЗЛА КМА Е. И. Дунай, И. Ф. Плужников, В. Ш. Алитдинов ООО "Белгородгеология" Поступила в редакцию 17 августа 2015 г. Аннотация: геолого-технологиче...»

«шидовд&ш ЕПАРХІАЛЬНЫ Я ВДОМОСТИ. Ж 15. 1869. ЧА С ТЬ О Ф И Ц ІА ЛЬН А Я. А в гу ста 15. ц I. РАСПОРЯЖЕНІЕ ЕПАРХІАЛЬНАГО НАЧАЛЬСТВА. Новое распредленіе благочинническихъ округовъ, и о выбор въ нихъ Благочинныхъ, Калужская Духовна...»

«БОНУС +4 Только для Эльфов ЛУЧОК С ЛЕНТОЧКАМИ в 2 руки 800 голдов БОНУС +3 Только для Эльфов РАПИРА ТАКНЕЧЕСТНОСТИ в 1 руку 600 голдов БОНУС +1 ОДИННАДЦАТИФУТОВЫЙ КИЙ в 2 руки 200 голдов БОНУС +2 БАШМАКИ МОГУЧЕГО ПЕНДЕЛЯ Обувка 400 голдов БОНУС +3 БЕНЗОПИЛА КРОВАВОГО РАСЧЛЕНЕНИЯ в 2 руки 600 гол...»

«ФЕДЕРАЛЬНОЕ АГЕНТСТВО ЖЕЛЕЗНОДОРОЖНОГО ТРАНСПОРТА Федеральное государственное бюджетное образовательное учреждение высшего образования "Иркутский государственный университет путей сообщения" (ФГБОУ ВО ИрГУПС) УТВЕРЖДАЮ Председатель СОП к.т.н., доцент В.Н...»

«ДЕКАБРЯ.Вероятно, стрелкам часов так надоело год за годом двигаться в одну и ту же сторону, что они вдруг повернули вспять. Смеркалось. В свете фонарей кружились снежные хлопья. На улицах царило оживление. Среди праздничной толпы шел и Иоаким со своим папой. Они приехали в город, чтобы купить рождественский календарь, и это была их последняя надежда,...»







 
2018 www.new.pdfm.ru - «Бесплатная электронная библиотека - собрание документов»

Материалы этого сайта размещены для ознакомления, все права принадлежат их авторам.
Если Вы не согласны с тем, что Ваш материал размещён на этом сайте, пожалуйста, напишите нам, мы в течении 1-2 рабочих дней удалим его.